الارشيف / الرياضة / استاد الاهلي

الأهلي نيوز : شروط قاسية للمدير الفني الأجنبي الجديد للأهلي

الأهلي نيوز : لا يوجد أي خلاف ان  المدير الفني الأجنبي انسب للأهلي من المصري في أي مرحلة وأي وقت وطبعا أتمنى الأجنبي أفضل من ١٠٠ مدرب مصري مهما عظم أسمه ،ولكن هتجيب أجنبي من على قهاوي أوروبا يبقى المصري أفضل ، ستتعاقد مع  أجنبي أول ما تكلمه تلاقيه راكب وجاي وجايب معاه قريبه ويقولك ده المساعد بتاعي ويشتغل مع جيش من المصريين يبقى المصري أفضل ، هتجيب أجنبي لمجرد انه يقدم موسم قوي مش يكون مشروع كبير يبقى المصري أفضل

الأهلي نيوز : مواصفات المدرب الأجنبي الأنسب للأهلي

الأهلي نيوز : الأجنبي الذي لا يضع شروط  ويطلب يعاين البنية التحتية في النادي الأهلي وأجهزة التدريب والاستشفاء وملاعب التدريب ونظام المعسكرات والإقامة وطبيعة السفر لافريقيا وتوفير طائرة خاصة وغيره يبقى مدرب جاي ياكل عيش والمصري أفضل ، الأجنبي اللي مش معاه فريق عمل كامل متكامل ويتشرط عليك ويصمم انه يجي بجيش أجنبي واخره يوافق على مصري أو ٢ يبقى أونطجي والمصري أفضل

الأهلي نيوز : مفيش مدرب محترم دلوقتي راتبه يقل عن ٢ مليون دولار وانت طالع .. اة قيمة المدرب لا تقاس براتبه لكنها مؤشر قوي لمستوى طموحه وشخصيته وتعامله مع السوق ، ابعد عن التجارب .. ابعد عن التجارب .. متخترعش اسم .. مدخلش في مصر والشرق الأوسط اسم لأول مرة وتقول ده اكتشافي .. متجبش مدرب وتقول أنا هصنع أسمه

الأهلي نيوز : تعاقد مع مدرب جاهز اعتاد النجاح وحصد البطولات .. مدرب كاريزما .. مدرب شخصية .. مدرب بيعرف يتكلم .. مدرب بيعرف يطور المواهب .. مدرب التراب في ايده ذهب ما بالك لو استلم الذهب نفسه! النقطة الاخيرة دي تبقى أساس اختيارك .. حذاااااري تجيب مدرب بيدمر المواهب ويستلم لاعب مونديالي ولا من البريمرليج ولا أمهر لاعب في افريقيا ويجيبهم الأرض

الأهلي نيوز : تعاقد مع مدرب بيعرف يدافع ويقفل وقت ما يحتاج يدافع .. يعرف في أي مباراة خارجية يطلع بشباكه عذراء .. هات مدرب بيعرف يفترس خصمه ويحاصره في ٤٠ متر وقت ما يكون خسران مش لما يتأخر رجليه تخبط في بعض ومنعرفش نمسك كورة حتى

محمود أشرف

قد تقرأ أيضا